သူတော်ကောင်းဆိုတာ
" သူတော်ကောင်း " ဆိုတဲ့ စကားလုံးကို ပါဠိဘာသာမှာ " သပ္ပုရိသ " လို့ ခေါ်တယ်။ " သန္တော ပုရိသော သပ္ပုရိသော " ဆိုတဲ့ အတိုင်း ငြိမ်သက် အေးချမ်းသောသူဟု အဓိပ္ပါယ်ရတယ်။ မြန်မာလို သူတော်ကောင်းဆိုတာ တော်လည်းတော် ကောင်းလည်း ကောင်းတယ်လို့ ဆိုလိုတယ်။
တော်တယ်ဆိုတာ အရည်အချင်း ရှိတာ။ ကောင်းတယ်ဆိုတာ စိတ်ထားကောင်းတာ။ ကိုယ်ကျင့် တရားနဲ့ အသိဥာဏ်ဆိုတဲ့ အရည်အချင်းလည်း ရှိတယ်။စိတ်နေစိတ်ထားလည်း ကောင်းတယ် ဆိုရင် ဒီလိုပုဂ္ဂိုလ်မျိုးကို " သူတော်ကောင်း " တဲ့။
တစ်နည်းအားဖြင့် ပြောရရင် " တော် " တယ် ဆိုတာ ပညာအရည် အချင်းကို ပြောတာ။ " ကောင်း " တယ်ဆိုတာအကျင့်စာရိတ္တပိုင်း ဆိုင်ရာ ကောင်းတာကို ပြောတာ။ လူတွေကလူတစ်ယောက်ကို " လူတော် " လို့ ပြောတာ သူရဲ့ ပညာအရည်အချင်းကို ရည်ညွှန်းပြီး ပြောတာ။ " လူကောင်း " လို့ ပြောတာကျတော့ အကျင့်စာရိတ္တပိုင်းကို ရည်ညွှန်းတာ။ ပညာလည်း တော်တယ်။ ကိုယ်ကျင့်တရားလည်း ကောင်းတယ်ပေါ့။
သို့သော် လူတွေထဲမှာ ပညာတော်တယ်။ကိုယ်ကျင့်တရား မကောင်းဘူး။ ကိုယ်ကျင့်တရား ကောင်းတယ်။ ပညာမတော်ဘူးဆိုသူတွေလည်း ရှိနိုင်တယ်။ ကိုယ်ကျင့်တရားကောင်းတယ်။ ပညာမတော်ဘူး။ ပညာတော်တယ်။ ကိုယ်ကျင့်တရားမကောင်းဘူးဆိုရင် တစ်ခြမ်းပဲ့နေတယ်။ မပြည့်စုံဘူး။
အဲဒီတော့ ဒီ ( ၂) ခုဟာ လူတစ်ဦးတစ်ယောက် အတွက် အခြေခံအားဖြင့် ရှိရမယ့် အရည်အချင်းဖြစ်တယ်။ ဒီ ( ၂)ခု အောက်လျော့လို့ မဖြစ်ဘူး။ သို့သော် မဖြစ်မနေ တစ်ခုကိုသာ ရွေးချယ်ရမယ်ဆိုရင် ကိုယ်ကျင့်တရားကို ရွေးရမှာ ဖြစ်မယ်။ ကိုယ်ကျင့်တရား ကောင်းဖို့ ပိုပြီး အဓိကကျတယ်။
" သီလမေဝသုတာ သေယျော " တဲ့။ ကိုယ်ကျင့်သီလက အကြားအမြင် ပညာထက် ပိုပြီး ချီးမွမ်းထိုက်တယ်လို့ ဆိုတယ်။ သို့သော် ကိုယ်ကျင့်တရား ကောင်းသော်လည်း အသိပညာ နည်းပါးသူဟာ အများအကျိုးအတွက် လုပ် နိုင်စွမ်း သိပ်မရှိဘူး။ ပညာအရည်အချင်းက တော်ပါရဲ့ ကိုယ်ကျင့်တရားက မကောင်းဘူးဆိုရင်တော့ ဒီပုဂ္ဂိုလ်မျိုးက အန္တရာယ်များတဲ့ ပုဂ္ဂိုလ် ဖြစ်လာ တတ်တယ်။ အဲဒါကြောင့် သီလနဲ့ ပညာလို့ဆိုတဲ့ ဒီအရည်အသွေး (၂)မျိုးလုံး ရှိတယ်ဆိုရင် အလွန်တန်ဖိုးရှိတဲ့လူ ဖြစ်တာပေါ့။
ဒီအရည်အသွေး ( ၂)ခုထဲမှာ တစ်ခုမှ လျှော့ပစ်လို့ မရဘူး။ သီလရှိမှ ပညာ ရှိနိုင်တယ်။ ပညာရှိမှ သီလရှိနိုင်တယ်။ သီလပရိဓောတာ ပညာ - ပညာကို သီလနဲ့ဆေးကြောရတယ်။ ပညာပရိဓောတံ - သီလကို ပညာနဲ့ ဆေးကြောရတယ်။
အေး …… သူတော်ကောင်းဆိုတာ ကိုယ်ကျင့်တရားလို့ ခေါ်တဲ့ သီလလည်းကောင်းတယ်။ ပညာလည်းတော်တယ်ဆိုတဲ့ ပုဂ္ဂိုလ်မျိုးပဲ။ သို့သော် အဆင့်အမြင့်ဆုံး သူတော်ကောင်းဆိုတာကတော့ ဘုရားရဟန္တာသာ ဖြစ်တယ်။
အခြေခံအားဖြင့် သီလနဲ့ ပညာရှိသူကို သူတော်ကောင်းလို့ ပြောရတယ်။ ဒီနေရာမှာ သီလဆိုတာ သုစရိုက်တရား (၁၀)ပါးကို ကျင့်သုံးခြင်းပဲ။ သုစရိုက်တရား ကျင့်သုံးတဲ့သူကို လူကောင်းလို့ ပြောရမယ်။ ကံ ကံ၏ အကျိုးကို သိမြင်တဲ့ ကမ္မဿကထာ သမ္မာဒိဋ္ဌိ ၎င်း သမ္မာဒိဋ္ဌိထက် အဆင့်မြင့်တဲ့ ဝိပဿနာသမ္မာဒိဋ္ဌိ ဆိုတဲ့ အသိဥာဏ်မျိုးရှိရင်တော့ " လူတော် " လို့ ပြောရမယ့် အဆင့် ရောက်တယ်။ ဒါ အခြေခံစံအားဖြင့် ဒီလိုသတ်မှတ်တာ။
( ပါမောက္ခချုပ်ဆရာတော် ဒေါက်တာနန္ဒမာလာဘိဝံသ )
